Sunday, February 27, 2011

Welcome Wedding Board

Vivamus...

Vivamus, mea Lesbia, atque amemus
rumoresque senum severiorum
omnis unius aestimemus assis.
Soles occidere et redire possunt:
nobis cum semel occidit brevis lux,
nox est perpetua una dormienda.
Da mi basia mille,  deinde centum,
dein mille altera, dein secunda centum,
deinde usque altera mille, deinde centum.
Dein, cum milia multa fecerimus,
conturbabimus illa, ne sciamus,
aut nequis malus invidere possit,
cum tantum sciat esse basiorum.


(Catulli Veronensis Liber, V)

0 comments:

Post a Comment